De Sachverhald, er isch koi neier,
des Parkett im Schloß  wird deier,
die Koschde sich verdreifachd hennd,
wie mir Dohlenaze noch ausrechne kennd.

De Musesaal, der sei dro schuld,
do verlier ich die Geduld,
de Musesaal, der isch doch kloiner,
merkt denn des von dene koiner?

Wenn sich’s verdobbeld hätt, könnd mers lasse,
Verdreifachung isch ned zu fasse!
Awwer Leid, numme feschd g’lacht,
es war jo grad erschd Fassenacht!

Firr deiers Geld sinn in de Gasse Sandschdoibladde glehgd worre, dass middemm Rolladohr, Rollschduhl, Kinnerwahge ehbe fahre kannsch. Awwer von de Zwingergass bis zum Schloss sinn d‘Bladde maischdens mid Audo un Schdänderle bloggiehrd.

Ab de Elfe isch in de Inneschdadt verkehrsberuhichde Zohn - also audofrei. Awwer sell kannsch vergesse. De Bolidesse isch dess hald nonedd gsagd worre.

De Horbachparg - kannsch vergesse. D'Ende un d'Schwän henn koi Nachdruh. Em Wocheend ligge Flasche, Schärbe, Blaschdichbächer und Babiehrlen rum. Unner de Woch fahre Audos d'Wähg madschig un parge drinn.

Endlich wissemer, wo unsre EX-OB bald schaffe dud. Selles Pöschdle beim Niebel hat se scho lang g’hedd, numme de Niebel had noch nix g’wissd devo. Ja, ja, mit G‘hoimverdrägle dud se sich auskenne.

 Vor zwoi Johr isch d'Grundschdeuer um siebzehn Prozend erhöhd worre. Henner des scho widder vergesse? Schbare isch ogsagd, koi Schdeuererhöunge.

D’Ex-OB had scheinds immer noch ned rauslasse was un wo se jetzerd schaffe dud. In Eddlinge laafe en Haufe Wedde un mer wolle scho emol wisse ob mer gwonne henn, odder ned.

Weihnachde däd unnerm Chrischdbaum schdaddfinne! Die henn vergesse was Weihnachde oigendlich sei soll. Ich däd eich wünsche, dasser des Feschd ruhig und friedlich feiere kennd und grad so friedlich in’s neie Johr neischliddere deend.

Weil mer vor vier Johr für‘s Spaßbädle z’viel ausgewwe hat, muß sich koiner wunnere, wenn jetzerd s‘Geld fürs Schöllbronner Bädle fehle dud. Es soll Leid in Eddlinge gewwe, die henn scho vor vier Johr g’warnd.

Des hadme saumässig g’freid, dass d’“Raddeinsel“ uffgräumd worre isch. Noch meh dädeme freie, wenn se den ganze Hubbl wegbaggere däde, frieher hads den a ned gewwe un d’Alb wär dann viel scheener.